Thursday 30 December 2010

මල්ලිගේ වොඩ්කා

හාපෝ අද හරිම විකාර දවසක්! අද මම ලියන්න හිටියෙත් කවියක්. මට එච්චර හොඳට කවි ලියන්න බෑ. ඒත් ලියන්න හිටියේ කවියක්. ඒත් දැන් ලියන්න වෙන්නේ නෑ. අද දවසේ වෙච්ච වැඩ කියන්න හිතුනා. කවි හෙට.. නෑ අද ලියන්නම් මම අද දැකපු දෙයක්. එක හුඟක් මගේ හිතට වැදුනා. ඒත් මට ඒක මෙච්චර වෙලා අමතක වෙලා තිබ්බේ.

මට මල්ලියෙක් ඉන්නවා. තාම අවුරුදු 13යි. අද එයා තාත්තා බීලා ඉවර කරපු වොඩ්කා බෝතලයක් අරගෙන ඒකට වතුර පුරවගෙන. මම දැක්කා අම්මා එකපාරකුත් අහනවා එයාගෙන් මොකදා ඒ කියලා. මේ හොරා මොකුත් කිව්වෙත් නෑ. එයා වතුර පුරවගෙන අර වොඩ්කා බෝතලෙන් කට තියාගෙන බොනවා. අද හවස එයාගේ යාලුවෙක් ගෙදර ආවා. මම අහගෙන එයා කියනවා තාත්තගේ අල්මාරියෙන් හොරකම් කරාලු බාගයක් තිබිලා. මට හිනත් ගියා. මොකද මම දැක්කා තාත්තා ඕක බීලා බෝතලේ එලියෙන් ගෙනත් තියනවා. මම තවත් අහගෙන හිටියා. යාලුවා ඇහුවා කොහොමද බිව්වේ කියලා. මේකා කියනවා ගෙදරට හොරෙන් ටික ටික බිව්වලු. ඊටපස්සේ යාලුවා ඇහුවා කවදද බීලා ඉවර උනේ කියලා. මේකා කියනවා අද දවල්ලු. යාලුවා හොඳටම අහුවෙලා මෙයාගේ බොරුවට. මට මෙයා බේබද්දෙක් වගේ පෙන්නලා යාලුවෝ ඉස්සරහා බොරුවට රඟපාන එක බලාගෙන ඉන්න බැරි නිසාම මම යාලුවා එලියට ආවහම මෙයාගෙන් ඇහුවා "කෝ අර බෝතලේ දෙන්න ඔයාගේ වැඩේ කරගෙන ඉවරනම්.. අන්න අම්මා ආපහු ඉල්ලුවා" කියලා. මල්ලිට කරගන්න දෙයක් නැති උනා. යාලුවත් හිනා වෙලා ගියා. ඒත් මට පුදුම එයා මට වෙනසක් නොපෙන්නපු එක ගැන.


මම මනම් බොනවට විරුද්ධ නෑ. ඒත් බොන්නේ නැත්නම් ඒ ගැන කියන්න ලැජ්ජා වෙන්න ඕනෙත් නෑ. ඒ වගේම නොබොන කට්ටියක් මැද ත්මන් බොනවා කියලා කිව්වට ලොකු මිනිහෙක් වෙන්නේ නෑ කියලත් හිතේ තියාගන්න ඕන. අනික මේ පොඩි ලමයෙක්ට මොන ලොකුකමක්ද බොන එක. මේ කොල්ලෝ කරන්නෙම බොරුව.බොරුවට රඟපාන එකමයි.. හි හී..

 මට ඒ දෙයින් හිතිච්ච ටික මම කවි කියලා හිතන විදියට ලියන්නම්. මොකද මම කවි කියලා කොටු වෙච්ච දෙයක් දකින්නේ නෑ. ඒක ඕනම දෙයක්, විදියක් වෙන්න පුලුවන්නේ.

ලස්සන රතු බෝතලයක
ලිවුනු අකුරු කිරි සුදකට
සෝදා අහවර කල පසු
සුවඳ පමණි ඉතුරු උනේ...

අනුන් විඳපු බෝතලයක
පුරවා වතුරක් බීවට
එයින් කිසිම වින්දනයක්
නැහැ නොවෙ ඔබ හට දැනුනේ?

තලන පෙලන සමාජයක
බිව්වා නොබිව්වා ඔබ හට
විඳිනට සිදුවෙයි ගැරහුම්
සැක නැත මා මළනුවනේ...

උදව්වක්: මට යුනිකෝඩ් කන්වර්ටර් එකේ "බින්දුව" ටයිප් කරන හැටි දන්න කෙනෙක් කියලා දෙනවද? මොකද මම තාම සින්හල බ්ලොගින් වලට අලුත්!

10 comments:

  1. \n=බින්දුව
    -V-

    ReplyDelete
  2. කන්වර්ටරේ බින්දුව ගහන්ට ඕනනම් \ එකයි n එකයි ගහන්ට...
    බොන එකනම් ඉතින් කියන්ට තරම් මහ දේකුත් නොකියා ඉන්ට තරම් ලැජ්ජා වෙන්ට වෙන එකකුත් නම් නෙවෙයිලු...
    ආහ්... කවි කතාව නම් ලස්සනයි...

    ReplyDelete
  3. තලන පෙලන සමාජයක
    බිව්වා නොබිව්වා ඔබ හට
    විඳිනට සිදුවෙයි ගැරහුම්...

    නියමයි මේ කෑල්ල... බීම කියන්නෙ ජීවිතේ එක කොටසක් මිස ජීවිතේම නෙවෙයි. ජීවිතේ හැමදේම එහෙමයි... තම තම ණැන පමණින් සියල්ල වටහාගැනීම හොඳයි. දිගටම ලියන්න සුභපැතුම්!

    ReplyDelete
  4. ෂුවර්ද මල්ලි එලියෙන් තිබ්බ බෝතලෙයි ගත්තෙ කියල?

    ReplyDelete
  5. දැන් කෙල්ලො ලියන්නෙත් බොන කතා.
    ඔය වාගෙ තාත්තෙක් මාමන්ඩි කර ගන්න තියනවනම් ෂෝයි....ඩේලි වොඩ්කා...

    ReplyDelete
  6. ඔය බොන එකේ ඇති දෙයක් නැහැ. ඕක කියන්න දේකුත්නෙමෙයි හංගන්න දේකුත් නෙමෙයි මට නම්

    ReplyDelete
  7. හික්zzz මල්ලිගේ වොඩ්කා.......

    ReplyDelete
  8. මල්ලි මරු ඩයල් එකනේ.....නියම කතාව...

    ReplyDelete
  9. මේක මට නම් පොඩි  ගැටලුවක්.බොන නොබොන එක ලැජ්ජාවට කාරණයක් නෙමේ.නොබොන එක ලජ්ජාවක් නම්,සාමාන්‍ය  දේ බොන එකද? මම භිතන්නෙ අපේ default mode එක තමයි නොබී ඉන්න එක. තව පොඩ්ඩක් හිතල බලන්න. මට වැරදුනාද මන්දා? Good story any way. Keep up good work.

    ReplyDelete
  10. Thanks for the comments ppl!

    And Im an out of the system girl!

    ReplyDelete